سعودی ولی عہد شہزادہ محمد بن سلمان منگل کو امریکی صدر ڈونلڈ ٹرمپ کی دعوت پر سرکاری دورے پر واشنگٹن پہنچ گئے ہیں۔
امریکہ پہنچنے پر صدر ڈونلڈ ٹرمپ نے سعودی ولی عہد محمد بن سلمان کا استقبال کیا۔
خبر رساں ادارے روئٹرز کے مطابق سات سال سے زیادہ عرصے بعد اپنے پہلے وائٹ ہاؤس دورے پر پہنچنے والے سعودی ولی عہد شہزادہ محمد بن سلمان کا ساؤتھ لان میں صدر ٹرمپ نے شاندار استقبال کیا گیا، جس میں فوجی اعزازی دستہ، توپوں کی سلامی اور امریکی جنگی طیاروں کی فلائی پاسٹ بھی شامل تھی۔
سعودی پریس ایجنسی (ایس پی اے) کے مطابق شہزادہ محمد بن سلمان دورے کے دوران صدر ٹرمپ سے دوطرفہ تعلقات اور مختلف شعبوں میں مضبوط بنانے کے طریقوں پر بات چیت کے علاوہ مشترکہ دلچسپی کے علاقائی اور بین الاقوامی امور پر بھی تبادلۂ خیال کریں گے۔
وائٹ ہاؤس کے مطابق اب سے کچھ دیر بعد سعودی ولی عہد شہزادہ محمد بن سلمان کی صدر ٹرمپ سے دو طرفہ ملاقات ہوگی جس کے بعد دونوں رہنما ظہرانے پر بھی ملاقات کریں گے۔
اس شیڈول کے مطابق امریکی وقت کے مطابق دوپہر 2:00 بجے شہزادہ محمد بن سلمان کانگریس کے ایوانِ نمائندگان اور سینیٹ کے ارکان سے ملاقات کریں گے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
شام میں 6:40 بجے صدر ٹرمپ اور خاتونِ اول ایک استقبالیے میں شرکت کریں گے، جس کے بعد 6:45 پر باضابطہ ملاقات کا سلسلہ جاری رہے گا۔
وائٹ ہاؤس کے مطابق بدھ کو صدر ٹرمپ اور خاتونِ اول سعودی ولی عہد، سعودی وفد اور دونوں ممالک کے اعلیٰ کاروباری رہنماؤں کے ساتھ بلیک ٹائی ڈنر میں شرکت کریں گے۔
دن کا اختتام امریکی وقت کے مطابق 9:10 بجے ایک آخری الوداعی ملاقات کے ساتھ ہوگا۔
اس کے بعد بدھ کو سعودی ولی عہد، صدر ٹرمپ اور سعودی و امریکی کمپنیوں کے 400 سے زائد CEOs کینیڈی سینٹر میں امریکہ–سعودی سرمایہ کاری فورم میں شریک ہوں گے۔
جس کے بعد شہزادہ محمد بن سلمان امریکہ سے روانہ ہو جائیں گے۔
