وزیر اعظم شہباز شریف نے ایک پاکستانی کاروباری شخصیت کی طرف سے ترکی اور شام کے زلزلہ متاثرین کے لیے تین کروڑ ڈالر کی امداد دینے کے اقدام کو سراہا ہے۔
اپنی ٹویٹ میں شہباز شریف کا کہنا تھا کہ ’ایک گمنام پاکستانی کی مثال دیکھ کر دل بہت متاثر ہوا۔ انسان دوستی کے ایسے شاندار کام بظاہر ناقابل تسخیر دکھائی دینے والی مشکلات پر فتح حاصل کرنے کے قابل بناتے ہیں۔‘
Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023
اس سے قبل بابا عمر کے ٹوئٹر ہینڈل سے کی گئی ایک ٹویٹ میں بتایا گیا کہ ایک پاکستانی کاروباری شخصیت جنہوں نے گمنام رہنے کا انتخاب کیا، امریکہ میں ترکی کے سفارت خانے میں گئے جہاں انہوں نے زلزلہ متاثرین کے لیے تین کروڑ ڈالر کا عطیہ دیا۔
Pakistani businessman — opts to remain anonymous— walks into the Turkish Embassy in the United States and donates $30 million for earthquake victims #TurkeyEarthquake #TurkiyeQuakes #Turkiye pic.twitter.com/W3vhisyCdB
— Baba Umar (@BabaUmarr) February 11, 2023
ترک نیوز چینل ٹی آر ٹی ورلڈ کے انگریزی پروگرام میں میزبانوں کو یہ تصدیق کرتے ہوئے دیکھا جا سکتا ہے۔ میزبان نے تصدیق کی کہ امریکہ میں رہنے والے ایک پاکستانی بزنس مین نے واشنگٹن میں ترک سفارت خانے میں متاثرین زلزلہ کے لیے تین کروڑ ڈالر دیے تاہم انہوں نے اپنی شناخت ظاہر نہیں کی ہے۔
ٹی آر ٹی اردو کے مطابق جمعے کو ترکی میں پاکستان کے سفیر یوسف جنید اور پاکستانی سفارت خانے کے عملے نے زلزلہ متاثرین کے لیے امدادی سامان کی پیکنگ میں حصہ لینے کے لیے انقرہ میں بلدیہ چانکایہ کے کلیکشن پوائنٹ کا دورہ کیا زلزلے سے متاثرہ افراد کے لیے امدادی سامان متعلقہ حکام کے حوالے کیا۔
A Pakistani businessman anonymously walks into Turkish Embassy and donates million USD for #TurkiyeQuakes.
— Pakistan Embassy Türkiye (@PakinTurkiye) February 11, 2023
Acınız Acımız
Birlikte Güçlüyüz
El ele vererek bu zor zamanı atlatacağız #PakistanStandsWithTurkiye #deprem pic.twitter.com/78k4O4MOtm
پاکستان کے سفیر، سفارت کاروں، عملے اور استنبول میں پاکستانی قونصل خانے کے عملے کی جانب سے جمع کیے جانے والے 100 امدادی پیکٹ کو چانکایہ بلدیہ کے ڈپٹی میئر مسلم تیکن کے حوالے کیا گیا۔
ان امدادی اشیا میں جیکٹس، جوتے، کھانے پینے کا سامان، پانی، بچوں کی خوراک، ڈائپر اور سینیٹری کی اشیا شامل تھیں۔
دوسری جانب ریڈیو پاکستان کی ایک ٹویٹ کے مطابق امریکہ میں پاکستان کے سفیر مسعود خان واشنگٹن میں ترکی کے سفارت خانے میں گئے اور تباہ کن زلزلے میں ہزاروں افراد کی موت پر ترک بھائیوں کے ساتھ اظہار یکجہتی کیا۔
Pakistan's Ambassador to US @Masood__Khan visits Turkish embassy in Washington to express solidarity with Turkish brethren after a terrific earthquake that claimed tens of thousands of precious lives in #Turkiye https://t.co/nCHYDjDpZC
— Radio Pakistan (@RadioPakistan) February 10, 2023
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
خبر رساں ادارے اے ایف پی نے رپورٹ کیا ہے کہ ہفتے کو اعلان کردہ تازہ ترین اعداد و شمار کے مطابق پیر کو شام اور ترکی میں آنے والے زلزلے میں ہلاکتوں کی تعداد 25 ہزار سے زیادہ ہو گئی ہے۔
ترک صدر رجب طیب اردوغان نے ملک کے جنوب مشرقی شہر سانلیورفا کے دورے کے دوران کہا ہے کہ ترکی میں زلزلے کے بعد اب تک 21 ہزار 848 لاشیں نکالی جا چکی ہیں۔ شام میں حکام کا کہنا ہے کہ زلزلے سے ہلاکتوں کی تعداد 3553 ہو گئی ہے۔
قبل ازیں منگل کو پاکستان کی وفاقی کابینہ نے ترکی میں زلزلہ متاثرین کی امداد کے لیے وزیراعظم امدادی فنڈ قائم کرنے کی منظوری دی۔
ایوان وزیراعظم کے مطابق امدادی فنڈ کے قیام کی منظوری اسلام آباد میں ہونے والے وفاقی کابینہ کے اجلاس میں دی گئی۔ اجلاس کی صدارت وزیراعظم محمد شہباز شریف نے کی۔
وفاقی کابینہ کے اجلاس میں فیصلہ کیا گیا کہ وفاقی کابینہ کے اراکین ایک، ایک ماہ کی تنخواہیں ترکی کے لیے قائم کیے گئے وزیراعظم امدادی فنڈ میں جمع کی جائیں گی۔
ارکان کابینہ کی تنخواہوں کے علاوہ 18 سے 22 گریڈ سرکاری ملازمین کی ایک،ایک دن کی تنخواہیں بھی وزیراعظم امدادی فنڈ میں جمع کرنے کا فیصلہ کیا گیا۔
