- عالمی ادارہ صحت کے ڈائریکٹر جنرل ٹیڈروس اذانوم گیبریس نے غزہ کے ہسپتالوں میں ’سنگین اور خطرناک‘ صورتحال کے بارے میں خبردار کرتے ہوئے کہا ہے کہ زیادہ مریض، بشمول قبل از وقت پیدا ہونے والے بچوں کی ’افسوسناک‘ اموات ہو رہی ہیں۔
- غزہ کے دو سب سے بڑے ہسپتال الشفا اور القدس دونوں بند ہو چکے ہیں۔ سینکڑوں افراد اندر محصور ہیں۔
- ریڈ کراس کی بین الاقوامی کمیٹی نے کہا ہے کہ غزہ کی پٹی میں جن حالات میں شہری انخلا کر رہے ہیں وہ ’غیر محفوظ اور بد ترین‘ ہیں۔
- یورپی یونین کی خارجہ پالیسی کے سربراہ جوزپ بوریل نے کہا ہے کہ ہسپتال کے ایسے مریضوں کو نکالنے کے لیے ’توقف‘ کی ضرورت ہے جنہیں فوری طبی دیکھ بھال کی ضرورت ہے۔
- 7 اکتوبر سے غزہ پر اسرائیلی حملوں میں 11,100 سے زیادہ فلسطینی جان سے جا چکے ہیں جبکہ اسرائیل میں حماس کے حملوں میں ہلاک ہونے والوں کی تعداد 1200 سے زیادہ ہے۔
