جیسے جیسے موسم گرما قریب آتا ہے۔ خزاں اور سردیوں کے سرد، گہرے اور گیلے دنوں کی شروعات ہوتی ہے تو گاڑی چلانے والوں کو یاد دلایا جاتا ہے کہ وہ بدلتے ہوئے حالات کے لیے اپنی گاڑیاں تیار کر لیں۔
موسم گرما میں اکثر اہل خانہ اور دوستوں کی نقل و حمل یا چھٹیوں کی مہم جوئی شروع کرنے کے بعد کاروں کو سرد موسم سرما کے مہینوں میں جلد ہی زیادہ مشکل ماحول کا سامنا کرنا پڑے گا۔
نہ صرف اپنی اور اپنے پیاروں بلکہ سڑک استعمال کرنے والے دوسروں کی حفاظت کے لیے بھی ضروری ہے کہ گاڑی کی بہترین حالت کو یقینی بنایا جائے۔
گاڑی کی فعال دیکھ بھال خطرات کو کم کر سکتی ہے اور موسم کے خراب ہونے سے مسائل کو روک سکتی ہے۔
اپنی گاڑی کو وقت سے پہلے تیار کرنے کے لیے ضروری اقدامات کرنا محفوظ اور قابل اعتماد موسم سرما کے سفر کے لیے ضروری ہے۔
جب گاڑی کی دیکھ بھال کی بات آتی ہے تو اپنی کار کو مکمل سروس دینے سے بہتر کوئی چیز نہیں۔
تازہ تیل اور فلٹر، پولن فلٹر، ایئر فلٹر، سپارک پلگ اور نیا بریک فلوئڈ اس بات کو یقینی بنا سکتا ہے کہ آپ کی گاڑی ہموار اور زیادہ قابل اعتماد ہے اور یہ چیزیں اس کی صحت کو بھی یقینی بناتی ہیں۔
اگر آپ خود اپنی گاڑی کی سروس کرنے کے لیے پراعتماد نہیں ہیں، تو آپ کے ہاں بہت سارے معروف گیراج موجود ہیں جو آپ کے لیے کام کر سکتے ہیں، آپ کی گاڑی پر مکمل سروس کے لیے خرچ 200 سے 400 پاؤنڈ تک ہیں۔
یقینی بنائیں کہ الیکٹرک سسٹم کام کرتا ہے
چونکہ تاریک دن قریب ہیں اس لیے آپ کی کار کے الیکٹرک سسٹم کو اسی طرح کام کرنا چاہیے جس طرح انہیں کرنا چاہیے۔
ہیڈلائٹس کار کی سب سے اہم حفاظتی خصوصیات میں سے ایک ہیں۔ لہذا اس بات کو یقینی بنائیں کہ کوئی بھی بلب فیوز نہیں ہے۔ تمام لائٹس بشمول لو بیم، مین بیم، خطرے کی وارننگ لائٹس کو آن کریں۔
ایک اور مفید ٹِپ یہ چیک کرنا ہے کہ سائیڈ لائٹس کے علاوہ پچھلی بریک لائٹس کام کر رہی ہیں۔
اگر آپ اکیلے ہیں اور آپ کے پاس انہیں چیک کرنے کا کوئی طریقہ نہیں ہے تو اپنی گاڑی کو دیوار تک موڑ کر دیکھیں کہ آیا لائٹس پیچھے پڑتی ہیں یا اگر آپ کے پاس کوئی مددگار ہے تو اسے بریک پیڈل دبانے کے لیے لے جائیں، تاکہ آپ چیک کر سکیں۔
اگر آپ کو کوئی بلب یا بجلی کی خرابی نظر آتی ہے تو یقینی بنائیں کہ آپ انہیں فوری طور پر درست کریں، کیونکہ محدود ویزیبیلیٹی کے ساتھ گاڑی چلانا خطرناک ہے۔
ٹائروں کی حالت چیک کریں
آپ کی کار میں نصب ایک اور اہم حفاظتی خصوصیت ٹائرز ہیں، کیونکہ وہ اس بات کو یقینی بناتے ہیں کہ کار سڑک پر گرفت میں آجائے۔
یو کے میں موٹر کار کے ٹائروں میں ایک موٹ (MOT) کا کم از کم 1.6 ملی میٹر ہونا ضروری ہے اور اسے ہماری سڑکوں پر استعمال کرنے کے لیے ’محفوظ‘ سمجھا جائے۔
خرابی کی کسی بھی دوسری علامت کے لیے اپنے ٹائروں کو چیک کریں، بشمول سائیڈ والز کے گرد کریک، ادھڑے ہونا، نقصان جیسے کٹ اور پھٹے ہونا اور یہ بھی چیک کریں کہ وہ کب بنے ہیں۔ پرانا ربڑ پھسلن والے حالات میں اتنا مؤثر نہیں ہو گا۔
اس کے علاوہ ہمیشہ ٹائر کا پریشر بھی چیک کریں۔ تمام گاڑیوں کے اندر ایک لیبل موجود ہوتا ہے، جو آپ کو بنانے والے کی ترجیحی پی ایس آئی ریڈنگ بتاتا ہے۔ یہ پی ایس آئی یقینی بنائے گی کہ ٹائر صحیح طریقے سے پھولے ہوئے ہیں۔
اگر پی ایس آئی اتنا نہیں ہے تو یہ ٹائر پھول سکتا ہے اور ایندھن کی کھپت میں اضافہ کا باعث بھی بن سکتا ہے۔
سکرین واش کو اوپر رکھیں
یہ نہ بھولیں کہ سکرین واش جیسے مائع کا پورا ہونا ایک اہم حفاظتی قدم ہے۔
اچھے معیار کا سکرین واش استعمال کرنا یقینی بنائیں، کیونکہ آپ کو نم حالات میں اپنی ونڈ سکرین کو باقاعدگی سے صاف کرنے کی ضرورت ہو گی۔
واشر مائع کا ختم ہونا آپ کو اپنی سکرین کو صحیح طریقے سے صاف کرنے کے قابل ہونے سے روکتا ہے، جو خاص طور پر اہم ہے جب موسم خراب ہو۔
وائپر بلیڈ کو تبدیل کریں
ہو سکتا ہے کہ یہ اتنا اہم نہ لگے، لیکن وائپر بلیڈ آپ کی کار کی ونڈ سکرین کو صاف کرنے کا ایک اہم ذریعہ ہیں۔
چیک کریں کہیں گاڑی کا وائپر بلیڈ پھٹا تو نہیں ہوا۔ اگر پھٹا ہت تو اس کا اس کا مطلب یہ ہو گا کہ یہ تبدیل کرنا مانگتا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اگر وائپر سکرین کو صاف تو کر رہے ہیں لیکن شیشے پر کسی ایک جانب جھک رہے ہیں یا آواز پیدا کر رہے ہیں تو یہ صرف ربڑ کے بلیڈ کو صاف کرنے سے ٹھیک ہو سکتا ہے۔
لیکن اگر وائپرز گاڑی کی سکرین کو صحیح طریقے سے صاف نہیں کر رہے تو آپ کو انہیں تبدیل کرنے کی ضرورت ہے۔ محدود ویزیبیلیٹی کے ساتھ گاڑی چلانا خطرناک ہو سکتا ہے اور آپ کی گاڑی کا موٹ فیل ہو جائے گا۔
کولنٹ لیول چیک کریں
کولنٹ سردیوں میں اس بات کو یقینی بنا کر کام کرتا ہے کہ درجہ حرارت گرنے پر انجن کو کوئی نقصان نہ پہنچے۔
زیادہ تر کولنٹ کو کار کی زندگی گزارنی چاہیے، لیکن کچھ صورتوں میں، اگر سسٹم میں کوئی خرابی ہو تو آپ کی کار کا کولنٹ لیول گر سکتا ہے۔
لمبے سفر پر جانے سے پہلے ہمیشہ کولنٹ کی سطح کو دو بار چیک کریں اور اگر آپ کو یقین نہیں ہے تو گاڑی کے مینوئل میں درست کولنٹ اور استعمال کرنے کا طریقہ ہونا چاہیے۔
کسی بھی خرابی کو ٹھیک کروائیں
اگر آپ کی گاڑی حال ہی میں موٹ (MOT) ٹیسٹ میں پاس ہوئی ہے تو تب بھی ہم آپ کو مشورہ دیں گے کہ آپ کچھ چیزوں کو فوراً ٹھیک کروا لیں۔
آپ کے لیے ایک تجویز ہے کہ اگرچہ آپ کی گاڑی سڑک پر استعمال کے لیے محفوظ ہے لیکن آپ کو اس کے نقائص پر نظر رکھنا چاہیے، کیونکہ یہ ممکنہ طور پر اگلی MOT ٹیسٹ کی ناکامی کا باعث بن سکتی ہیں۔
جو چیز آپ نہیں چاہیں گے وہ بری دیکھ بھال کی وجہ آپ کی کار کا خراب ہونا، حادثے کا سبب بننا یا کسی کو زخمی کرنا ہو گا۔
© The Independent
