صدر آصف علی زرداری پیر کی رات چار روزہ سرکاری دورے پر متحدہ عرب امارات (یو اے ای) پہنچے جہاں دوطرفہ تعلقات کے ’مکمل سپیکٹرم‘ کا جائزہ لیا جائے گا۔
ایوان صدر کے ایک ہینڈ آؤٹ کے مطابق ابوظبی کے زید انٹرنیشنل ایئرپورٹ پر متحدہ عرب امارات کے وزیر انصاف عبداللہ بن سلطان بن عواد النعیمی نے صدر زرداری کا استقبال کیا۔
خاتون اول آصفہ بھٹو زرداری اور وزیر داخلہ محسن نقوی اس دورے میں صدر کے ہمراہ ہیں۔ ابوظبی آمد پر ہی ہوائی اڈے کے صدارتی فلائٹ ٹرمینل پر متحدہ عرب امارات کے وزیر انصاف سے ملاقات کی۔
President Asif Ali Zardari arrived in Abu Dhabi on an official visit to the UAE. He was received by UAE Minister of Justice Abdullah bin Sultan bin Awad Al Nuaimi. First Lady Bibi @AseefaBZ & Interior Minister, Mohsin Naqvi are accompanying him. pic.twitter.com/IPfmsJn6ht
— The President of Pakistan (@PresOfPakistan) January 26, 2026
پاکستانی دفتر خارجہ نے ایک بیان میں کہا ہے کہ ’دورے کے دوران صدر متحدہ عرب امارات کی قیادت کے ساتھ اعلیٰ سطحی ملاقاتیں کریں گے تاکہ دوطرفہ تعلقات کے مکمل سپیکٹرم کا جائزہ لیا جا سکے، خاص طور پر تجارتی اور اقتصادی عوام سے عوام کے درمیان تعلقات کے شعبوں پر۔‘
President @AAliZardari in a meeting with the Minister of Justice of the United Arab Emirates, Abdullah bin Sultan bin Awad Al Nuaimi, at the Presidential Flight Terminal of Zayed International Airport, with First Lady Bibi @AseefaBZ and Federal Minister for Interior and Narcotics… pic.twitter.com/phYsRHWmMT
— PPP (@MediaCellPPP) January 26, 2026
دفتر خارجہ نے مزید کہا کہ بات چیت میں باہمی دلچسپی کے علاقائی اور بین الاقوامی امور پر بھی توجہ دی جائے گی۔
صدر زرداری کا یہ دورہ گذشتہ ماہ متحدہ عرب امارات کے صدر شیخ محمد بن زید النہیان کے پاکستان کے مختصر دورے کے بعد ہو رہا ہے۔ وزارت خارجہ کے مطابق ’دونوں ممالک کے درمیان گہرے برادرانہ تعلقات کی عکاسی کرتا ہے اور پاکستان اور متحدہ عرب امارات کے درمیان مضبوط دوستی کو باہمی طور پر فائدہ مند شراکت داری میں تبدیل کرنے کے عزم کا اعادہ کرتا ہے۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
26 دسمبر کو متحدہ عرب امارات کے صدر کے دورہ پاکستان میں دیرینہ دوطرفہ تعلقات کو مزید مضبوط بنانے پر توجہ دینے غور کیا گیا تھا۔
وزیر اعظم شہباز شریف اور صدر النہیان نے 30 دسمبر کو رحیم یار خان میں بھی ملاقات کی تھی، جہاں دونوں نے مختلف شعبوں میں تعاون بڑھانے کے طریقوں پر تبادلہ خیال کیا۔
13 جنوری کو دونوں ممالک نے خلیجی ملک کا دورہ کرنے والے پاکستانی شہریوں کے لیے ’پری امیگریشن کلیئرنس‘ پر ایک باضابطہ معاہدے پر دستخط کرنے پر بھی اتفاق کیا۔
