حکومت پاکستان کے اقتصادی امور کے ڈویژن نے اپنے ٹوئٹر پیغام میں پیر کو اعلان کیا ہے کہ پاکستان اور فرانس کے درمیان معاہدہ طے پا گیا ہے جس کی رو سے پاکستان کے 10 کروڑ 70 لاکھ ڈالر کے قرضے کی ادائیگی موخر ہوگئی ہے۔
ٹویٹ میں لکھا ہے کہ ’گروپ ٹوئنٹی کا قرضہ معطل کرنے کے اقدام‘ (ڈی ایس ایس آئی ) کے تحت پاکستان اور فرانس کے درمیان معاہدے پردستخط کردیے گئے ہیں۔
The Government of Pakistan signed a Debt Service Suspension Agreement with the French Republic, amounting to suspension of loans worth USD 107 million, under the G-20 Debt Service Suspension Initiative (DSSI) framework. pic.twitter.com/C5NmAkW34O
— Economic Affairs Division, Government of Pakistan (@eadgop) June 27, 2022
سلسہ وار ٹوئٹس میں اقتصادی امور ڈویژن نے بتایا ہے کہ اس قرضے کی ادائیگی جولائی تا دسمبر2021 کے دوران کی جانی تھی لیکن معاہدے پردستخط کے بعد اب یہ قرضہ آئندہ چھ سال میں ادا کیا جائے گا جس کے لیے ششماہی بنیاد پر اقساط ادا کی جائیں گی۔ اس سلسلے میں ایک سال کی چھوٹ بھی دی گئی ہے۔
اس معاہدے پر پاکستان کی جانب سے وفاقی سیکریٹری برائے اقتصادی امور ڈویژن میاں اسد حیا الدین اور پاکستان میں فرانس کے سفیر نکولس گالے نے پیر کو اسلام آباد میں دستخط کیے ہیں۔
یہ بھی پڑھیے: ڈالر کی اڑان، شرح سود میں اضافہ: سیاسی بحران کے معیشت پر اثرات
ٹویٹ میں کہا گیا ہے کہ یہ معاہدہ پاکستان میں صحت کے شعبے اور ملک کی موجودہ معاشی صورتحال کے لیے بہت ضروری تھا۔
اقتصادی امور کے ڈویژن کی جانب سے جاری ذرگائع ابلاغ کو جاری کیے جانے والے ایک بیان میں بتایا گیا ہے کہ پاکستان اور فرانس 26 کروڑ 10 لاکھ ڈالرز کے قرضوں کی ادائیگی کو معطل کرنے کے معاہدوں پر پہلے ہی ستخط کر چکا ہے۔
