پاکستان میں ہر موسم چائے کا موسم سمجھا جاتا ہے۔ تاہم اگر چائے خالص دودھ، بلائی، شہد، زعفران، قاش قاش، الائچی، خشک میوں اور دیگر لوازمات سے بنی ہو تو شوقین افراد کے دلوں کی مراد بر آتی ہے۔
سوات کے علاقے کالاکوٹ میں زعفرانی چائے کی دھوم ہے۔ نواب شیر کے ہاتھوں کی بنی اس خاص چائے کو پینے لوگ دور دور سے آتے ہیں۔
سردیوں میں یہ زعفرانی چائے سوات کے باسیوں کی پسندیدہ ہے۔ اتنے سارے لوازمات سے بنی ہوئی اس چائے کا ایک کپ 450 روپے کا ہے۔
تاہم نواب شیر سمجھتے ہیں کہ اس چائے کی 450 روپے قیمت بھی کم ہے، جس کی وجہ انہوں نے یہ بتائی کہ وہ ایران، افغانستان اور دوسرے ملکوں سے لایا جانے والا زعفران فی تولہ دو سے آٹھ ہزار روپے میں خریدتے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے بتایا کہ ان کے پاس 20 سے 450 روپے تک کی چائے دستیاب ہے۔ ’ہم اپنی دکان میں کمزور اور غریب لوگوں کا خصوصی خیال رکھتے ہیں۔‘
ان کا کہنا ہے کہ ’سردی شروع ہوتے ہی چائے کے شوقین افراد کی تعداد میں اضافہ ہوگیا ہے۔
ان کے مطابق: ’پہلے میں 40 سے 50 کپ روزانہ فروخت کرتا تھا لیکن اب روزانہ 300 سے 400 سو تک فروخت ہو جاتے ہیں۔‘
نواب شیر کی دکان میں چائے پینے کے لیے آنے والے شفیع الله نے بتایا کہ ’چائے کا کوئی موسم نہیں ہوتا بلکہ اسے پینے کو جب دل چاہے بس وہی چائے کا موسم ہے۔‘
