پاکستان کے اکثر بالائی اور شمالی علاقوں میں مغربی ہواؤں کا طاقتور سسٹم داخل ہونے سے سردی کی شدت میں مزید اضافہ ہوا ہے جبکہ دارالحکومت اسلام آباد میں گذشتہ رات سے بارش کا سلسلہ جاری ہے۔
بلوچستان کے علاقوں کوئٹہ، زیارت، کوژک ٹاپ، کان مہترزئی، خانوزئی، شیلا باغ اور مسلم باغ میں برف باری کا سلسلہ دوبارہ شروع ہو گیا ہے۔
برف باری کی وجہ سے ان علاقوں میں کئی رابطہ سڑکیں بند ہو گئیں ہیں۔
پاکستان کے محکمہ موسمیات نے آئندہ 24 گھنٹوں کے دوران ملک کے متعدد علاقوں میں موسم ابر آلود رہنے، وقفے وقفے سے بارش، آندھی اور گرج چمک کے علاوہ پہاڑی علاقوں میں برفباری کی پیش گوئی کی ہے۔
پی ایم ڈی کے مطابق خیبرپختونخوا، کشمیر، گلگت بلتستان، اسلام آباد، شمال مشرقی پنجاب اور شمال مشرقی بلوچستان میں آندھی اور گرج چمک کے ساتھ پہاڑوں پر برف باری کا امکان ہے۔
کشمیر اور بالائی خیبرپختونخوا میں چند مقامات پر موسلادھار بارش کے ساتھ درمیانے درجے سے موسلادھار برف باری کا امکان ہے۔
محکمہ موسمیات نے وارننگ جاری کی ہے کہ ناران، کاغان، دیر، سوات، کالام، چترال، کوہستان، مانسہرہ، ایبٹ آباد، شانگلہ، استور، ہنزہ، اسکردو، مری، گلیات، نیلم وادی، حویلیاں، حویلیاں، حویلیاں، حویلیاں، کوہستان سمیت پہاڑی علاقوں میں برف باری کے باعث سڑکیں بند اور پھسلن ہو سکتی ہیں۔
بالائی خیبرپختونخوا، گلگت بلتستان اور کشمیر کے پہاڑی علاقوں میں لینڈ سلائیڈنگ اور برفانی تودے گرنے کا بھی خطرہ ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
سیاحوں کو مشورہ دیا گیا ہے کہ وہ محتاط رہیں اور پیشین گوئی کی مدت کے دوران غیر ضروری سفر سے گریز کریں۔
خیبرپختونخوا میں پہاڑوں پر برفباری کے ساتھ وسیع بارش کا امکان ہے، چترال، دیر، سوات، کالام، شانگلہ، کوہستان، بٹگرام، مانسہرہ اور ایبٹ آباد میں موسلادھار بارش اور درمیانی سے بھاری برف باری کا امکان ہے۔
پنجاب میں راولپنڈی، لاہور، گوجرانوالہ، سیالکوٹ، نارووال، جہلم، چکوال، اٹک اور گردونواح میں آندھی اور گرج چمک کے ساتھ بارش کی پیش گوئی کی گئی ہے جبکہ مری اور گلیات میں ہلکی برف باری کے ساتھ بارش ہو سکتی ہے۔
سندھ کے بیشتر علاقوں میں سرد اور خشک رہنے کا امکان ہے۔
بلوچستان کے بیشتر اضلاع میں موسم سرد اور خشک رہے گا جبکہ کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی میں چند مقامات پر گرج چمک کے ساتھ بارش اور پہاڑوں پر برف باری کا امکان ہے۔
گلگت بلتستان اور کشمیر میں وقفے وقفے سے بارش اور پہاڑوں پر برفباری کا امکان ہے، استور، سکردو، وادی نیلم، باغ، حویلیاں اور وادی جہلم میں موسلادھار بارش اور درمیانی سے موسلادھار برف باری کا امکان ہے۔
