منگل کے روز آذربائیجان اور آرمینیا کے درمیان چھ ہفتے کی جھڑپوں کے بعد امن معاہدہ طے پایا جس کی رو سے آذربائیجان کو نگورونو کاراباغ کے متنازع علاقے پر کنٹرول مل گیا۔ 

اس پر آذربائیجان میں بڑے پیمانے پر جشن منایا گیا۔ 

آذری عوام نے جشن مناتے وقت پاکستان کو بھی یاد رکھا ہے اور آذری دارالحکومت باکو کی گلیوں میں پاکستانی  پرچم بھی لہراتے نظر آ رہے ہیں۔ 

آذربائیجان کے لوگ سمجھتے ہیں کہ پاکستان نے سفارتی محاذ پر ان کی مدد کی ہے اس لیے وہ پاکستان کو تکریم دے رہے ہیں۔ 

آرمینیا اور آذربائیجان کے درمیان ناگورنو قرہ باغ پر تنازعے کی وجہ سے پاکستان نے ابھی تک آرمینیا کو سفارتی طور پر تسلیم نہیں کیا۔

آذر بائیجان بھی کشمیر کے تنازعے پر پاکستان کے موقف کا حامی ہے۔