پاکستان کے کوچ مائیک ہیسن نے اپنی ٹیم کو کہا ہے کہ اتوار کو ہونے والے ایشیا کپ کے انتہائی جذباتی اور اہم میچ میں ’کارکردگی پر توجہ مرکوز رکھیں۔‘ ادھر طلاعات ہیں کہ اس میچ کے تمام ٹکٹ ابھی تک فروخت نہیں ہوسکے ہیں۔
دبئی میں ہونے والا یہ میچ پڑوسی ممالک کے درمیان کرکٹ میں ملاقات کا پہلا موقع ہوگا جب سے مئی میں ایک مختصر لیکن شدید سرحدی جنگ ہوئی تھی، اور لہٰذا جذبات عروج پر ہوں گے۔
ٹائمز آف انڈیا کی ایک رپورٹ کے مطابق ایشیا کپ 2025 کے اس میچ کے ٹکٹ ابھی تک فروخت نہیں ہوئے ہیں۔
اگرچہ اس طرح کے میچوں کے ٹکٹ عام طور پر چند گھنٹوں میں فروخت ہوجاتے ہیں، لیکن رپورٹ میں دعویٰ کیا گیا ہے کہ مہنگی قیمتوں اور پیکجز نے طلب کو متاثر کیا ہے۔
بعض تجزیہ کار یہ سوال میں کر رہے ہیں کہ کیا پاکستان انڈیا مقابلوں کی اہمیت کم پڑ گئی ہے۔
ٹکٹنگ سائٹس پر وی آئی پی سویٹس ایسٹ میں نشستوں کا ایک جوڑا تقریبا 2.5 لاکھ انڈین روپے میں درج ہے۔ ویب سائٹ کے مطابق ٹکٹ میں 'گیلری کی نشستیں، لامحدود کھانا اور مشروبات، پارکنگ پاس، وی آئی پی کلب / لاؤنج تک رسائی اور نجی داخلی دروازے اور بیت الخلا شامل ہیں۔'
رپورٹ کے مطابق رائل باکس کی قیمت 2.3 لاکھ انڈین روپے ہے، سکائی باکس کی قیمت 1.6 لاکھ انڈین روپے ہے اور یہاں تک کہ پلاٹینم لیول کے ٹکٹ کی قیمت 75،659 روپے ہے۔ سب سے زیادہ سستی ٹکٹ دو کے لیے تقریبا 10000 روپے ہیں۔
جیو ٹی وی کے مطابق اے سی سی نے دبئی انٹرنیشنل کرکٹ اسٹیڈیم میں مزید شائقین کو راغب کرنے کی کوشش میں مارکی فکسچر کے لیے ٹکٹوں کی قیمتوں میں کمی کر دی ہے جہاں 28 ستمبر کو فائنل کی میزبانی بھی کی جائے گی۔
ادھر نیوزی لینڈ کے کوچ ہیسن نے جمعرات کو کہا: ’میری نظر میں، جب بھی آپ کسی میچ میں داخل ہوتے ہیں، چاہے وہ عالمی مقابلہ کا فائنل ہو یا کوئی اور میچ، سب کا فوکس کارکردگی پر ہونا چاہیے اور اس ویک اینڈ پر بھی کوئی فرق نہیں ہوگا۔‘
آٹھ ممالک پر مشتمل ٹوئنٹی-20 ٹورنامنٹ کا آغاز منگل کو ہوا، جب افغانستان نے ہانگ کانگ کو 94 رنز سے شکست دی۔ بدھ کو انڈیا نے میزبان متحدہ عرب امارات کو نو وکٹوں سے شکست دی۔
پاکستان آج عمان کے خلاف اپنی مہم کا آغاز کرے گا، لیکن سب کی توجہ دو روز بعد عالمی چیمپئن انڈیا پر مرکوز ہے۔
ہیسن نے ایشیا کپ ہولڈرز انڈیا کے بارے میں کہا، ’ہم جانتے ہیں کہ انڈیا کو اپنی کارکردگی پر بہت اعتماد ہے، اور یہ اعتماد بجا ہے، کیونکہ انہوں نے متحدہ عرب امارات کو صرف 57 رنز پر آؤٹ کیا تھا۔‘
انڈیا نے یہ میچ صرف 4.3 اوورز میں جیت لیا تھا۔ گذشتہ سال ورلڈ کپ جیتنے کے بعد سے انہوں نے 21 میں سے 18 ٹوئنٹی-20 میچز جیتے ہیں۔
ہیسن ایک دلچسپ میچ کا حصہ بننے پر پُرجوش ہیں، جسے دبئی کے بھرے ہوئے سٹیڈیم میں شائقین اور کروڑوں ٹیلی ویژن ناظرین دیکھیں گے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے کہا، ’میں نے دور سے بہت سے میچز دیکھے ہیں، لیکن ایسے انتہائی جذباتی ایونٹ کا حصہ بننا، اور جوش و خروش کے ساتھ کھیلنا ایک زبردست تجربہ ہوگا۔‘
پاکستان ایشیا کپ میں سہہ فریقی سیریز جیت کر آ رہا ہے جس میں افغانستان اور یو اے ای بھی شامل تھے، جس سے ٹیم کا اعتماد بڑھ رہا ہے۔
ہیسن نے کہا، ’ہم دن بہ دن ایک ٹیم کے طور پر بہتر ہونے پر توجہ دے رہے ہیں اور اپنے آپ کو زیادہ آگے نہیں لے جا رہے۔‘
انڈیا پاکستان، عمان اور یو اے ای گروپ اے میں ہیں جبکہ سری لنکا، افغانستان، ہانگ کانگ اور بنگلہ دیش گروپ بی کا حصہ ہیں۔
ہر گروپ کی دو بہترین ٹیمیں سپر فور مرحلے کے لیے کوالیفائی کریں گی۔ ان میں سے ٹاپ دو ٹیمیں 28 ستمبر کو دبئی میں فائنل کھیلیں گی۔
اس میچ کے حوالے سے کافی جوش و خروش پایا جاتا ہے کیونکہ پچھلے دس سالوں میں دونوں ٹیموں نے کوئی دو طرفہ سیریز نہیں کھیلی۔ نتیجتاً، وہ ایک دوسرے کے خلاف صرف ایشیا کرکٹ کونسل (ACC) یا انٹرنیشنل کرکٹ کونسل (ICC) کی طرف سے منعقدہ ٹورنامنٹ میں ہی کھیلتے ہیں۔
عام طور پر ایسے میچ کے ٹکٹ چند گھنٹوں میں فروخت ہو جاتے ہیں، لیکن رپورٹ میں دعویٰ کیا گیا ہے کہ ’اونچی قیمتوں‘ نے طلب کو متاثر کیا ہے۔
